ಜನನ ಮರಣಗಳ ನಡುವೆ
ಸಾಗುತ್ತಿದೆ ನನ್ನೀ ಬದುಕು
ಅಡಗಿ ಕುಂತರೂ ಬಿಡದೆ
ಕಾಡಿದೆ ಯಮನ ಕುಹಕು
ಪ್ರೇಮದ ಬಯಕೆಯು ನನ್ನ
ಮಾಡಿತು ಅಂದು ಮರುಳು
ಸಾಗುವ ದಾರಿಗೆ ಯಾಕೋ
ಕವಿದಿದೆ ಇಂದು ಇರುಳು
ಇಡಾ ಪಿಂಗಳಗಳಲ್ಲಿ ಸಾಗುತ್ತಾ
ಒದ್ದಾಡಿದೆ ಉಸಿರು
ಅರಿವಾಗುವುದು ಎಂದೋ ಇದಕ್ಕೆ
ಸುಷುಮ್ನದ ಹೆಸರು
ಹುಟ್ಟಿನ ಜೊತೆಗೆ ಹುಟ್ಟಿದೆ
ಸಾವಿನ ಚಿಂತೆ
ಸಾವಿನಲ್ಲೂ ಬಿಡದೆ ಬರುವುದು
ಕರ್ಮದ ಕಂತೆ
ಅರಿವಿನ ಬೆಂಕಿ ಬೆಳಗಲಿ ಈಗ
ಸುಷುಮ್ನದ ದಾರಿ ತೆರೆಯಲಿ ಬೇಗ
ಜನನ ಮರಣಗಳು ಬಲು ವೇಗ
ಇಡಬೇಕು ಪೂರ್ಣ ವಿರಾಮ ಆದಷ್ಟು ಬೇಗ
- ಕೆಕೆ ( ಕೀರ್ತನ್ ಕೆ )